Балаев Хасан

Фотография:
Балаев Хасан 0

Балаев Хьасана ц1и х1анз а шерра йовзаш яц вай республике. Цун стихаш йовзаш а цо стихаш язъелга ховш а дукха нах бац. Ер кинижка арахецаро, хетаргахьа, дикаг1а д1авовзийтаргва из поэт поэзеца чам болаш болчарна, г1алг1ай литература дезаш а довзаш а болчарна.

Хьасан ше Мужечара ва. Стихаш язъе из волавеннав ше шовзткъеи итт шерал т1ехваьлча. Цунна ч1оаг1а лоарх1аме хет г1алг1ай къаман эхь-эздел, хоза г1улакх кхувш йоаг1ача т1ехьенна д1адовзийтар, из царна д1а1омадар, из царна дукхадезадалийтар. Из лоарх1 цо ший стихай керттера декхар.

Хьасана яхачох, цун дог г1оздоаккхаш х1ама да г1алг1ай халхари пандарца локха йиши. Цхьабакъда, цун стихаш 1ойийшачоа гургда, поэта дего безамца т1аэцаш кхы а дуккха х1амаш долга. Уж да даьхен 1алам, г1алг1ай мехкарий эздел, кагийча наьха денал, боккхийча наьха иман, и. кх. д1. а.

Ер кинижка хьалхара кинижка да Балаев Хьасана. Цхьабакъда, т1ехьара кинижка хургдац ер, Дала аьннадале.

Г1алг1ай литератураца хьашт мел долчунна совг1ат хургда аьнна хет укх кинижках.

228
RSS
Нет комментариев. Ваш будет первым!