Угурчиев Шовхала Азмат-Гири

Ваьв 1945 шера 26 сентябре Целиноградски областа Есиль яхача станце.

1957 шера Даьймехка ц1авенав Наьсарен районерча Экажкъонгий-Юрта. 1963 шера йистейоаккх юкъера школа. Цул т1ехьаг1а массехк шера цу школе наьна мотти литературеи хьехаш болх бу Азмат-Гире.

1968 шера Угурчиев Азмат-Гири балха отт Нохч-Г1алг1ай телевиденеи радиокомитетеи дикторалла, т1ехьаг1о корреспонденталла.

1979 шера денз таханарча денга кхаччалца болх беш хьавоаг1а республикански «Сердало» яхача газете. Юххьанца корректор волаш, цул т1ехьаг1а корреспонденталла, отдела заведущи волаш, т1еххьарча 15 шера керттерча редактора заместитель волаш къахьегаш ва.

Литературни йоазонаш де волавеннав 1963 шера денз. Цун стихаш кепайиттай «Ленина никъ» яхача районни газетеи, «Сердало», «Г1алг1айче» яхача республикански газеташ т1еи, «Лоаман 1уйре» яхача альманаха т1еи «Литературни Г1алг1айче» яхача журнала т1еи. Хьалхара къаьстта книжка арадаьннад 1971 шера. Из дар «Стихаш» яхаш. Цул т1ехьаг1а арадийннад «Дега уйлаш», «Нана-Даькъасте», «Са Дега безам – Г1алг1айче», «Дега мерзаш» яха стихотвореней сборникаш.

Угурчиев Азмат-Гири российски Федераце йоазонхой Союза доакъашхо ва 1991 шера денз. Иштта 1983 шера денз из ва СССР жерналистски Союза доакъашхо.

2000 шера денз цо лелаю «Г1алг1ай Республика культура заслуженни болхло» яха ц1и. 2005 шера цунна яннай «За заслуги» яха орден.